आळेफाटा पोलीसांचे पथसंचलन,शांतता व सुव्यवस्थेचे आवाहन

बेल्हे(जुन्नरवार्ता सुधाकर सैद)  गणेशोत्सव शांततेत पार पडावा यासाठी आळेफाटा पोलिसांनी आपल्या हद्दीतील राजुरी व बेल्हा येथे शुक्रवारी पथसंचलन केले. गणेशोत्सव सध्या सर्वत्र उत्साहात सुरू असून हा उत्सव शांततेत पार पडावा

यासाठी आळेफाटा पोलिस ठाण्याचे पोलिस निरीक्षक मधुकर पवार यांचे मार्गदर्शनाखाली शुक्रवारी (१७ सप्टेंबर) राजुरी व बेल्हा येथे पथसंचलन करण्यात आले.यामध्ये पोलिस कर्मचारी व होमगार्ड सहभागी झाले होते.गणेशोत्सव काळात शांतता व सुव्यवस्था राहावी यासाठी उपविभागीय पोलिस अधिकारी मंदार जावळे यांचे आदेशान्वये १४ जणांना तडीपार करण्यात आले आहे तसेच पोलीस ठाण्याअंतर्गत गुन्हेगारी कृत्य नोंद असलेल्यांवर प्रतिबंधात्मक कारवाई करण्यात आली असून कोरोनाचे पार्श्वभूमीवर प्रशासनाने दिलेले नियमांचे पालन करत गणेशोत्सव साजरा करण्याचे आवाहनही पोलिस निरीक्षक मधुकर पवार यांनी केले आहे.