साईकृपा पतसंस्थेची वार्षिक सभा आॕनलाईन संपन्न,दिपावली भेटवस्तूसह ८% लाभांश जाहीर.

बेल्हे(जुन्नरवार्ता सुधाकर सैद ) कोरोनाच्या पार्श्वभूमीवर सहकार आयुक्त पुणे यांच्या मार्गदर्शनानुसार सर्व सहकारी संस्थांनी आपल्या वार्षिक सभा आॕनलाईन घेण्यात याव्यात या आदेशानुसार येथील साईकृपा नागरी सहकारी पतसंस्थेने आपली वार्षिक सर्वसाधारण सभा शासनाच्या आदेशानुसार संस्था कार्यालयात आॕनलाईन पद्धतीने अध्यक्ष वसंतराव जगताप यांच्या अध्यक्षतेखाली खेळीमेळीच्या वातावरणात नुकतीच पार पडली. विषयपत्रिकेवरील सर्वच्या सर्व म्हणजे १६ विषयांवर आॕनलाईन चर्चा करण्यात आली.यावेळी संस्थेचे अध्यक्ष जगताप  यांनी संस्थेचा लेखा-जोखा मांडताना ३० कोटी३९लाखांच्या ठेवी,२४ कोटी ६४ लाखांचे कर्जवाटप,९कोटी९३ लाखांची गुंतवणूक केली असून चालू आर्थिक वर्षात संस्थेला २२,१५,२८८ रुपयांचा नफा झाला असून सभासदांना ८% लाभांशासह दिपावली भेटवस्तू देण्याचे जाहीर केले.यावेळी पतसंस्था ही फक्त कर्ज घेण्यासाठीच नसून आपल्या उत्पन्नातून बचत करावी व संस्थेच्या इतरही योजनांचा लाभ घ्यावा तसेच सभासद हाच केंद्रबिंदू मानून त्यांचा आर्थिक स्तर उंचावण्यास संस्था नेहमीच अग्रक्रम देईल असेही अध्यक्ष जगताप यांनी सांगितले.संस्थेचे कार्यक्षेत्र पुणे व अहमदनगर असे असल्याने संस्था भविष्यात अजुनही शाखाविस्तार करणार असल्याचे सांगितले.या आॕनलाईन सभेला उपाध्यक्ष सदाशिव बोरचटे,सावकार पिंगट,सुनिल भळगट,महादू पिंगट,संजय विश्वासराव,आब्बास बेपारी,शुभांगी सेलोत,मुख्य कार्यकारी अधिकारी एकनाथ फाकटकर      यांच्यासह अजय गुंजाळ,सुनिल आरोटे,विठ्ठल गुंजाळ,गणेश चोरे,स्नेहलता बोरचटे,मछिंद्र लामखडे,राकेश डोळस,महेश कणसे व इतरही अनेक सभासद आॕनलाईन उपस्थित होते.या सर्व आॕनलाईन सभेला उपस्थित असलेल्या सभासदांचे सावकार पिंगट यांनी आभार मानले.