गाव सुटले पण गावाची ओढ सुटली नाही.

बेल्हे( जुन्नर वार्ता सुधाकर सैद) येथील रयत शिक्षण संस्थेच्या श्रीबेल्हेश्वर विद्यालय बेल्हेची भागशाळा असलेल्या साकोरी(ता.जुन्नर) येथील विद्यालयासाठी सुमारे ४५ वर्षापूर्वीचे रहिवासी व त्यावेळचे पंचक्रोशीतील प्रसिद्ध किराणा दुकानदार कै.केशव धोंडोपंत कुलकर्णी यांच्या नाती की ज्या मुंबई-पुणे येथे स्थायिक झालेल्या असल्या तरी आपल्या आजोबांच्या व आईच्या गावाचा त्यांना विसर पडला नाही.त्या गावाच्या ओढीतूनच मीना हरी डोळे,निशा सुभाष वेचलेकर,चित्रा संजय दाते व रेखा श्रीकांत कुलकर्णी यांनी त्यांच्या मातोश्री प्रभावती मंजुरे यांच्या स्मरणार्थ रयत शिक्षण संस्थेच्या भागशाळा साकोरी साठी ७५ हजार रुपयांची देणगी विद्यालयाचे मुख्याध्यापक रोहिदास बेलकर व संस्थेचे पश्चिम विभागाचे सल्लागार पांडुरंग गाडगे यांच्याकडे एका छोटेखानी कार्यक्रमात सुपूर्द केली व त्यातून येणाऱ्या व्याजाचा उपयोग इयत्ता दहावी मध्ये प्रथम येणाऱ्या तीन मुलींसाठी व्हावा अशी इच्छा त्यांनी व्यक्त केली,यावेळी कै. केशव कुलकर्णी यांची मुलगी कुंदा भालेराव,वैभव भालेराव,भारती डोळे,मकरंद डोळे,चंद्रकांत जाधव,हभप सुरेश महाराज बुट्टे, प्रभाकर बनकर,सुरेश कामटकर,शंकर गोफणे,भिष्मा बनकर, डॉक्टर नेहरकर तसेच विद्यालयातील सर्व शिक्षक,विद्यार्थी व मान्यवर उपस्थित होते. मुख्याध्यापक बेलकर यांनी उपस्थित मान्यवरांचे आभार मानले तर दादाभाऊ फापाळे यांनी या सर्व कार्यक्रमाचे सूत्रसंचालन केले.