भारतीय परंपरेनुसार समर्थ शैक्षणिक संकुलात खंडेनवमी साजरी.

बेल्हे(जुन्नरवार्ता सुधाकर सैद)

समर्थ रूरल एज्युकेशनल इन्स्टिट्युट राजुरी संचलित समर्थ शैक्षणिक संकुल,बेल्हे येथे शारदीय नवरात्रौत्सव व खंडेनवमीनिमित्त यंत्र पूजन करण्यात आले.

संस्थेचे सचिव विवेक शेळके यांच्या शुभहस्ते दिप प्रज्वलन,सरस्वती पूजन व यंत्र पूजन करून खंडेनवमी साजरी करण्यात आली.यावेळी संस्थेचे उपाध्यक्ष माऊली शेळके,विश्वस्त वल्लभ शेळके,समर्थ अभियांत्रिकी चे प्राचार्य डॉ.अनिल पाटील,एम बी ए चे प्राचार्य प्रा.राजीव सावंत,बी सी एस चे प्राचार्य डॉ.लक्ष्मण घोलप,आय टी आय चे प्राचार्य पांडुरंग हाडवळे,पॉलिटेक्निक चे प्राचार्य अनिल कपिले,फार्मसी चे प्राचार्य डॉ.संतोष घुले,डॉ.सुभाष कुंभार,गुरुकुलचे प्राचार्य सतीश कुऱ्हे,प्रा.संजय कंधारे,प्रा.नंदकिशोर मुऱ्हेकर,गौरव शेठ घंगाळे,संतोष खुटाळ,रवी गाडगे,आदी मान्यवर उपस्थित होते.

भारतीय धर्मपरंपरेनुसार नऊ दिवसांचा नवरात्र उत्सव पूर्ण होतो.खंडे नवमीला शस्र पूजन व यंत्र पूजन केले जाते.समर्थ संकुलात प्रतिवर्षीप्रमाणे कार्यशाळा,प्रयोगशाळा,ट्रेनिंग सेंटर आदींमध्ये असणाऱ्या विविध साधन सामग्री,उपकरणे,औजारे पूजन आज करण्यात आले.समर्थ संकुलात तांत्रिक शिक्षण व कौशल्यावर आधारित अभ्यासक्रम उपलब्ध असल्याने यंत्र,औजारे,प्रयोगशाळेतील साहित्य,उपकरणे यांच्याशी विद्यार्थ्यांचा नेहमीच संपर्क येत असतो.अभ्यासक्रम पूर्ण केल्यानंतर विद्यार्थी ज्या क्षेत्रामध्ये काम करणार आहेत त्या सर्वच क्षेत्रामध्ये ही यंत्र,अवजारे,साहित्य त्यांच्या सोबत असणार आहेत.पूर्वीच्या काळी ज्याप्रमाणे शस्त्रपूजन मोठ्या प्रमाणात व्हायचे त्याप्रमाणेच आजही आधुनिक काळात या यंत्रांचे पूजन करून त्या जोरावर कौशल्ये अधिकाधिक आत्मसात करून उत्कर्ष साधण्यासाठी प्रयत्न करायला पाहिजे.

सर्व उपस्थित शिक्षकांनी व मान्यवरांनी यावेळी संकुलातील प्रयोगशाळा साहित्य उपकरणे,यंत्र,अवजारे यांची पूजा केली.

आय टी आय चे प्राचार्य पांडुरंग हाडवळे म्हणाले की,यंत्र ही साधना असून यंत्राचे तंत्र लक्षात घेऊन फक्त आजच्याच दिवशी नाही तर वेळोवेळी या यंत्रांकडे लक्ष देऊन त्याची निगा राखली तर यंत्राचे तंत्र आपल्याला जीवनात एक नवीन मंत्र देऊन जीवन अधिक सुसह्य करण्यात मदत करतील कार्यक्रमाचे नियोजन क्रीडा संचालक डॉ.राजाभाऊ ढोबळे यांनी तर प्रा.प्रदीप गाडेकर यांनी उपस्थितांचे आभार मानले.