हायवा ट्रक आणि पिकअपचा अपघात,पिकअपचा चालक जागेवर ठार,अपघात स्थळावरुन हायवाट्रकचा चालक पसार

बेल्हे (जुन्नरवार्ता सुधाकर सैद )

 अहमदनगर-कल्याण महामार्गावर बेल्हे येथील बाह्यवळण चौकात पिकअप व हायवा ट्रक यांची समोरासमोर धडक होऊन झालेल्या अपघातामध्ये एकजण जागीच ठार झाला असून ही घटना मंगळवारी ( दि १९) सकाळी सहा वाजण्याच्या सुमारास झाली आहे.

याबाबत आळेफाटा पोलिस ठाण्याकडून मिळालेली माहिती अशी की आळेफाटा बाजूकडून पारनेरकडे जाणारा राख भरलेला हायवा ट्रक ( एमएच-१५-जीव्ही-३६६०) हा पारनेर या ठिकाणी जाण्यासाठी बेल्हे गावाजवळ असलेल्या बाह्यवळण चौकातून पारनेर या ठिकाणी जाण्यासाठी वळत असतानाच नगरकडून आळेफाट्याकडे जाणाऱ्या पिकअपची (एमएच-१६सीसी-६९१९) आणि हायवा ट्रकची समोरासमोर धडक झाली या अपघातामध्ये पिकअप चालक राहूल गोपीनाथ रायकर ( वय ३५ वर्ष राहणार पारगाव ता. श्रीगोंदा जि.अहमदनगर) याचा जागीच मृत्यू  झाला असून घटना घडल्यानंतर हायवा ट्रकचालक गाडी सोडून पसार झाला असून  या घटनेची नोंद आळेफाटा पोलिस ठाण्यात झाली असून या प्रकरणी हायवा ट्रकचालकावर गुन्हा दाखल करण्यात आला आहे.या घटनेचा पुढील तपास आळेफाटा पोलिस ठाण्याचे पोलिस निरीक्षक मधुकर पवार यांच्या मार्गदर्शनाखाली पोलिस उपनिरिक्षक राजेंद्र पवार करत आहेत