बेल्हे(वार्ताहर) येथील कृषी उत्पन्न बाजारसमितीच्या बैल बाजारतळाजवळ व पोलीस चौकीच्या हाकेच्या अंतरावर असणाऱ्या माळआळी अंगणवाडीमध्ये (क्रमांक १२७ ) मंगळवारी (दि.१९) रात्रीच्या सुमारास अज्ञात चोरट्यांनी कुलूप तोडून चोरी केली.याविषयी अधिक माहिती अशी की सोमवारी
अंगणवाडी सेविका बबूबाई पळसकर व मदतनीस लिलाबाई गुंजाळ यांनी लाभार्थ्यांना पोषण आहाराचे वाटप करुन अंगणवाडी बंद केली व दुसरे दिवशी ईदनिमित्त सुटी होती त्यानंतर बुधवारी नेहमीप्रमाणे अंगणवाडी उघडण्यास आले असता त्यांना नेहमीचे कुलूपाऐवजी दुसरेच कुलूप दरवाजाला लावलेले दिसल्याने त्यांना संशय आला व त्यांनी याबाबत बेल्हे दूरक्षेत्र व ग्रामपंचायत यांना कळविले असता पोलीस जमादार अंकलेश्वर भोसले व बेल्हे ग्रामविकास अधिकारी बेंद्रे यांच्या समक्ष कुलूप तोडले असता अंगणवाडीतील मायक्रोमॕक्स कंपनीचा ४०इंची दुरदर्शन संच व वजनकाटा चोरीस गेल्याचे दिसून आले.विशेष म्हणजे यावेळी अज्ञात चोरट्यांनी जुने कुलूप तोडून आपला कार्यभाग उरकल्यानंतर अंगणवाडीला नवीन कुलूप लावले पण कुलूपाची चावी ठेवण्यास मात्र विसरले.यावेळी माजी तंटामुक्ति अध्यक्ष स्वप्निल भंडारी, ग्रामपंचायत कर्मचारी नंदू विश्वासराव उपस्थित होते. अंगणवाडी सेविका बबूबाई पळसकर यांनी सदर चोरीची तक्रार दिली असून या घटनेचा पंचनामा पोलीस जमादार अंकलेश्वर भोसले यांनी केला.
Comments
Post a Comment