कल्याण-अहमदनगर महामार्ग हौतोय मृत्यूचा सापळा.

बेल्हे (वार्ताहार ) कल्याण-अहमदनगर महामार्ग चांगला झाला असून त्याचा परिणाम अपघातांची संख्या वाढत असल्याचे दिसून येत आहे. मागील पंधरवड्यात बेल्हे बाह्यवळणावर हायवा व पिकअपचा अपघात होऊन एक चालक ठार झाला होता तशाच प्रकारचा अपघात गुरुवार  (दि २८) रोजी रात्री १० वाजण्याच्या सुमारास आळे ( ता.जुन्नर)  गावच्या हद्दीत आकाशगंगा सोसायटी समोर अहमदनगर-कल्याण  महामार्गावर आयशर टेम्पो एम एच ४२एक्यू ३६३६ आणि पिकअप टेम्पो नंबर एम एच १४ डीएम ८९११ यांचा भीषण अपघात झाला.त्यात राजकुमार गोपीनाथ हाडवळे (वय ४१ वर्ष राहणार राजुरी ता. जुन्नर) हा पिकअप चालक गंभीर मार लागून मृत्युमुखी पडला असून  पिकअप मधील कैवल्य प्रकाश औटी (वय १५वर्ष रा.राजूरी व आयशर टेम्पो मधील ऋषिकेश अनंता पायगुडे (राहणार केडगाव चौफुला ता दौंड )हे दोघे जखमी झाले असून जखमींवर आळेफाटा येथील खाजगी रुग्णालयात उपचार सुरू आहे.आयशर टेम्पो नंबर एम एच ४२ एक्यू ३६३६ हा पोलिसांनी ताब्यात घेतला असून अनोळखी वाहन चालकावर गुन्हा दाखल करण्यात आला.फिर्यादी हरिश्चंद्र कोकाटे यांनी दिलेल्या फिर्यादीनुसार कलम ३६३/२०२१ भा दं वि क ३०४अ, २७९३३७,3,३३८,४२७ प्रमाणे घटनास्थळावरुन फरार झालेल्या अनोळखी आयशर चालकावर गुन्हा दाखल करण्यात आला असून आळेफाटा पोलीस ठाण्याचे पोलीस निरीक्षक मधुकर पवार यांच्या मार्गदर्शनाखाली पुढील तपास सुरू आहे.