कापड दुकान फोडून चोरट्यांनी केली दिवाळी साजरी.

बेल्हे(वार्ताहर) कल्याण-अहमदनगर महामार्गालगत असणाऱ्या गुंजाळमळा(बेल्हे) येथील एका मंगल कार्यालयासमोरील    एका कापड दुकानाचा पत्रा कापून अज्ञात चोरट्यांनी शनिवारी मध्यरात्रीच्या सुमारास दुकानामधील रोख रक्कम व साड्या असा एकूण सोळा हजार रूपयांचा ऐवज चोरुन नेल्याची घटना शनिवारी ( दि २९) रात्री घडली असून

याबाबत आळेफाटा पोलिसांकडून मिळालेली माहिती अशी की बेल्हे ( ता जुन्नर) येथील गुंजाळमळा येथे कल्याण-अहमदनगर महामार्गालगत सुरेखा राजेंद्र गुंजाळ यांचे कापड दुकान असून शनिवारी मध्यरात्रीच्या सुमारास अज्ञात चोरट्यांनी या दुकानाचा पत्रा कापून आत प्रवेश केला व गल्ल्यामधील तिन हजार रुपये रोख व सहा हजार रुपये किमतींच्या साड्यांचा एक गठ्ठा व सात हजार रुपये किमतीच्या साड्यांचा एक गठ्ठा असा एकूण सोळा हजार रुपये किमतीचा ऐवज चोरट्यांनी चोरला असून याबाबतची माहिती मिळाल्यानंतर आळेफाटा पोलिस ठाण्याचे वरिष्ठ पोलिस निरीक्षक मधुकर पवार यांनी घटनास्थळी भेट देऊन पहाणी केली असून याबाबतची फिर्याद सुरेखा राजेंद्र गुंजाळ यांनी आळेफाटा पोलिस ठाण्यात दिली असून अज्ञात चोरट्यांच्या विरोधात आळेफाटा पोलिस ठाण्यात गुन्हा दाखल करण्यात आला असून या घटनेचा पुढील तपास पोलिस निरीक्षक मधुकर पवार यांच्या मार्गदर्शनाखाली पोलिस हवालदार विकास गोसावी करत आहेत.