बिबट्या पिंजऱ्यात जेरबंद

बेल्हे (जुन्नरवार्ता सुधाकर सैद  ) आळे येथील बाभळवन रस्त्यावर असलेल्या डोकेमळा या ठिकाणी गेल्या काही दिवसांपासून वावर असलेला व नागरिकांच्या दहशतीचे कारण झालेला बिबट्या वनविभागाने लावलेल्या पिंज-यात गुरुवारी (दि १४) रात्री नऊ वाजण्याच्या सुमारास  जेरबंद झाला आहे.याबाबत माहिती अशी की आळे येथील बाभळबन रस्त्यावरील डोकेमळा परिसरात गेल्या काही दिवसांपासून  बिबट्याचा वावर सुरु होता या बिबट्याने यापूर्वीही अनेकवेळा पाळीव प्राण्यांवर हल्ले केल्याने येथील नागरिक प्रचंड दहशतीखाली वावरत होते.दहा दिवसांपूर्वी याच परिसरात राहणारे प्रशांत डोके यांच्या बंगल्याच्या संरक्षण भिंतीवरुन ऊडी मारून बिबट्याने बंगल्याच्या आवारात प्रवेश करुन पाळीव कुत्र्यावर हल्ला करत त्याला ठार केले होते. ही घटना त्यांच्या सीसीटीव्हीत कैद झाली होती या घटनेमुळे परिसरात भितीचे वातावरण पसरले होते त्यामुळे या ठिकाणी पिंजरा लावण्याची मागणी येथील ग्रामस्थांनी केली होती या मागणीवरून वनविभागाने प्रशांत डोके यांच्या बंगल्याच्या शेजारी असलेल्या शेतात पिंजरा लावला होता त्यानंतर हा बिबट्या गुरुवारी रात्री या पिंज-यात  जेरबंद झाला असून जेरबंद झालेला बिबट्या नर जातीचा पाच वर्षे वयाचा असल्याचे व त्यास माणिकडोह येथील बिबट्या निवारण केंद्रात हलविल्याचे आळे वनपरिक्षेत्राचे वनपाल संतोष साळुंखे यांनी सांगितले.यावेळी ओतुर विभागाचे वनक्षेत्रपाल वैभव काकडे यांच्या मार्गदर्शनाखाली वनपाल संतोष साळूंके वनरक्षक भालेराव व देशमुख रेस्क्यू टीमचे बाबाजी खर्गे वनमजूर गायकर,शंकर मधे यांचे व येथील ग्रामस्थांचे विशेष सहकार्य लाभले