बेल्हे(जुन्नरवार्ता सुधाकर सैद) कोरोना विषाणूचा उद्रेक कमी झाला असला तरी खबरदारी घेऊनच दुर्गोत्सव साजरा करण्याचे आवाहन प्रशासनाने केले होते,त्या आवाहनाला योग्य प्रतिसाद देताना बेल्हे गावातील बेल्हेश्वर,शिवनेरी व अंबिका माता या तिनही नवरात्रौत्सव मंडळांनी प्रशासनाने दिलेल्या कोरोना विषयक नियमांचे पालन करुन नऊ दिवस उत्सव साजरा केला व विजयादशमीच्या दिवशीही शांततेत विसर्जन करण्यात आले
असून ‘उदे ग अंबे उदे तसेच आई राजा उदं चा जयघोष करीत ७ ऑक्टोंबरपासून प्रारंभ झालेल्या नवरात्रोत्सवाची सांगता १५ ऑक्टोंबरला दुर्गा विसर्जनाने करण्यात आली. तसेच यंदा कोरोनामुळे दुर्गा स्थापना व विसर्जन हे सर्व सोहळे साधेपणाने पार पडले असून नऊ दिवसाच्या मुक्कामानंतर १५ ऑक्टोंबर रोजी दुर्गांना भावपूर्ण निरोप देण्यात आला.यंदा विसर्जन मिरवणुकीवरही निर्बंध असल्याने सर्व मंडळानी साध्या पद्धतीने दुर्गा विसर्जन केले,विशेष म्हणजे कोणत्याही मंडळाने यावेळी डिजेच्या दणदणाटाऐवजी पारंपरिक वाद्यांना पसंती देत दुर्गा विसर्जन केले तसेच यावेळी कुठेही अनुचित प्रकार घडू नये म्हणून आळेफाटा पोलीस प्रशासनातर्फे योग्य बंदोबस्त ठेवला गेला होता.
Comments
Post a Comment