क्रिकेट स्पर्धेला राष्ट्रवादीच्या एका गटाची दांडी, दिवाळीतच फुटले गटबाजीचे फटाके.

बेल्हे(वार्ताहर) जुन्नरचे कर्तव्यदक्ष युवा आमदार अतुल बेनके  यांच्या उपस्थितीत मंगळवार दिनांक ९/११/२९२१ रोजी संध्याकाळी  पाच वाजता बेल्हे येथे झालेल्या जुन्नर तालुका प्रिमिअर क्रिकेट लीगच्या आमदार चषक स्पर्धेच्या समारोपाच्या कार्यक्रमाच्या वेळी राष्ट्रवादीच्या गटतटाचे राजकारण पाहावयास मिळाले.पुणे, अहमदनगर,नाशिक या व ईतरही अनेक ठिकाणाहून क्रिकेट रसिकांनी हजेरी लावली परंतु या गटातील जिल्हा परिषद सदस्य व त्यांच्या समर्थकांनी दस्तुखुद्द आमदारांच्या कार्यक्रमाला पाठ दाखविली,तसेच यावेळी झालेल्या स्पर्धेच्या कार्यक्रम पत्रिकेत दुसऱ्या गटांची नावे नसल्याने ऐन दिवाळीत राष्ट्रवादीच्या दुफळीचे फटाके ऐकावयास मिळाले असून त्याचा परिणाम आगामी होणाऱ्या जिल्हा परिषद निवडणुकीत राष्ट्रवादी काँग्रेस पक्षाच्या घड्याळाचे काटे गटबाजीमुळे बिघडण्याची शक्यता नाकारता येणार नाही तसेच या गटबाजीचा फटका विद्यमान आमदारांनाही बसणार असल्याची  चर्चा जिल्हापरिषद गटात ऐकायला येत आहे.गेल्या आठ ते दहा वर्षापासून निमगावसावा (ता.जुन्नर ) येथे आमदार चषक क्रिकेट स्पर्धा अतिशय भव्यदिव्य स्वरुपात भरविल्या जात होत्या परंतु यावर्षी माशी कुठे शिंकली कोण जाणे स्पर्धा रद्द झाल्या व अगदी थोड्याच अवधीत बेल्हे येथील आमदारांचे खंदे समर्थक अतुल भांबेरे व बेल्हेचे सरपंच गोरक्षनाथ वाघ यांनी आमदार चषक स्पर्धा यशस्वी करुन दाखवली व मिळालेला प्रेक्षकांच्या प्रतिसादाच्या गर्दीमुळे भांबेरे यांच्या आशेला जिल्हा परिषदेचे धुमारे फुटू लागले आहेत व यातुनच अतुल भांबेरे यांच्या राजकीय कारकिर्दीस चारचांद लागणार असल्याचे दिसून आले परंतु जिल्हा परिषद गटातील सर्वांना बरोबर घेऊन चालण्याची मोठी तारेवरची कसरत भांबेरे यांना करावी लागणार आहे तसेच समर्थचे राजकारणही अजून गुलदस्त्यात असून त्यांना माननारा एक मोठा वर्ग या गटात असून आरक्षणानंतरच समर्थवाले आपला पत्ता उघड करणार असल्याचे समजते आणि नव्यानेच भाजपात गेलेल्या आशा समर्थकांनीही या गटात ब-यापैकी हातपाय पसरल्याने येणारी जिल्हा परिषद निवडणूक कोणत्याही पक्षाला सहजसाध्य होणार नसून शिवसेना,राष्ट्रवादी यामध्येच खरी लढत होणार असून नव्यानेच तालुक्यात हातपाय पसरलेल्या कमळाबाईंची गोळाबेरीज किती होते यावरच ईतर दोघांची परिक्षा अवलंबून आहे,राष्ट्रवादीच्या दोन गटांना विद्यमान आमदारांनी येनकेन प्रकारे चुचकारुन सावरुन घेतले नाही  तर आगामी निवडणुकीत राष्ट्रवादीच्या घड्याळाचे काटे गटबाजीमुळे बिघडले जातील व जिल्हा परिषद गटात परत समर्थचा बोलबाला होणार असल्याची शक्यता राजकीय वर्तुळामध्ये वर्तवली जात आहे.